කලාව - ඉගෙන ගැනීම සහ ඉගැන්වීම
කලාව උගන්වන්න බැහැ .
ඒත්
දෙයක් කලාත්මක වෙද්දි
එහි තියන ගුණාංග උගන්වන්න පුලුවන්.
කලාමාධ්ය හදාරන අයට
දෙයක් කලාත්මක වෙද්දි
එහි තියන ගුණාංග
සෞන්දර්යය කියල උගන්වනවා.
ඒත් ලංකාවෙ අයට..
මොන පාප කර්මයක් නිසා හෝ
අයන්නෙ ඉඳල ඉගෙනගන්න එක
හුරු නෑ.
හැම කෙනෙක්ම හදන්නෙ
එක අඩියට සිරීපාදෙට නගින්න.
ඒ විදියට
හුඹහකටවත් නගින්න බැහැ.
කලාව පෝෂණය කරන්න පුලුවන්..
කලාව උගන්වන්න බැහැ.
හොඳ කලාත්මක ඇසක්, රසයක් තියන
නවකයන් දෙතුන් දෙනෙක්
මේ සමූහ වල ගැවසෙනවා.
ඔවුනට පෝෂණයක් නැහැ.
පෝෂණය වෙන්න හැදුවොත්
සමහරුන්ට ඒකත් ප්රශ්නයක්.
කලාව උගන්වන්න බැහැ.
කලාව පෝෂණය කරන්න පුලුවන්..
පොත් වල නෝට් ගහගෙන
කටපාඩම් කරන
ගිරාපෝතක චර්යාවෙන් නම්
කලාව ඉගෙන ගන්න බැහැ.
වර්ණ සිද්ධාන්ත, රීති ආදිය
ඉගෙන ගනිද්දි.. අභ්යාස කරද්දි
ඇස් පෑදෙනවා.
ඔවුන් තුල තියන
රසඥතාවයේ ප්රමාණයට
කලාව පිහිටනවා.
No comments:
Post a Comment